> Headlines by Category

KORÇË - Një taksist i ka shpëtuar grabitësve me plagosje të lehta. Ai ka arritur të shpëtojë dhe ka denoncuar në polici, por kjo e fundit ende nuk ka rënë në gjurmët e autorëve.


Ngjarja ndodhi mbrëmë rreth orës 23:00 në vendin e quajtur Qafa e Zvezdës, kur disa persona ende të paidentifikuar i kishin zënë pritë taksistit. Gjatë rrugës ai ka ndeshur në barrikadë gurësh dhe është kthyer mbrapsht. Në këtë moment persona të armatosur dhe me maska kanë qëlluar në drejtim të mjetit. Ciflat e xhamave i kanë shkaktuar plagë të lehta.


Burimet policore bëjnë të ditur se ai po kthehej nga Liqenasi ku kishte shoqëruar disa pasagjerë. Burimet shtojnë më tej se uniformat blu po punojnë për identifikimin dhe kapjen e autorëve të sulmit.